എന്റെ പ്രിയ സുഹൃത്തുക്കളെ.
ഇന്ന് ജൂലായ് 17 . കര്ക്കിടകം 1 ആണ്.വറുതിപിടിമുറുക്കുന്ന ആടി മാസം ആധ്യാത്മിക ചിന്തക്കുള്ള കാലഘട്ടമാണ്. ഹിന്ദുക്കള് ഈ മാസം രാമായണ മാസമായി ആചരിക്കുന്നു.കേരളത്തിന്റെ വടക്ക് പ്രതേകിച്ച് മലബാറില് രാവിലെ ദശപുഷ്പങ്ങള് വെച്ച് ശ്രീഭഗവതിയെ വീട്ടിലേക്ക് എതിരേല്ക്കുന്ന ചടങ്ങ് ഒരു മാസം മുഴുവന് നടക്കുന്നു.
രാവിലെ കുളിച്ച് ശുദ്ധമായി ദീപം തെളിയിച്ച് രാമായണം തൊട്ട് വന്ദിച്ച് വായന തുടങ്ങുന്നു. കര്ക്കിടകമാസം അവസാനിക്കുന്പോഴേക്കും വായിച്ച് തീര്ക്കണമെന്നാണ് സങ്കല്പ്പം.
അദ്ധ്യാത്മികവും സാംസ്കാരികവും കലാപരവുമായ എക്കാലത്തെയും സ്രോതസ്സാണ് രാമായണം. ചിലപ്പോള് രാമായണത്തിന്റെ അനുബന്ധഭാഗമായ ഉത്തരരാമായണവും ചിലര് വായിക്കാറുണ്ട്.
രാമന് എക്കാലത്തെയും മാനുഷികധര്മ്മത്തിന്റെ പ്രതീകമാണ്. സത്യത്തിലും അടിയുറച്ച ധര്മ്മത്തിലും അധിഷ്ഠിതമായ ജീവിതമാണ് മാനുഷിക വികാരങ്ങളെല്ലാം പ്രദര്ശിപ്പിക്കുന്ന മനുഷ്യനായ രാമന് ആവിഷ്കരിക്കുന്നത്.
"രാമായണത്തെക്കാള് ശുദ്ധവും സദാചാരനിഷ്ടവും സുന്ദരവും ലളിതവുമായ ഒരു മഹാകാവ്യം മനുഷ്യസംസ്കാരചരിത്രത്തിലുണ്ടായിട്ടില്ല' എന്നാണ്വി സ്വാമി വേകാനന്ദന് രാമായണത്തെക്കുറിച്ച് പറഞ്ഞത്. രാമായണ രചന സംഭവീച്ചത് ഇങ്ങനെ.. തമസാ നദിയിൽ സ്നാനത്തിനായി പോവുകയായിരുന്ന വാല്മീകി ഒരു വേടൻ ക്രൗഞ്ചമിഥുനങ്ങളിൽ ആൺപക്ഷിയെ അമ്പെയ്ത് വീഴ്ത്തുന്നതു കണ്ടു. കാട്ടിൽ വസിക്കുന്ന മുനിമാർക്ക് അത്തരം കാഴ്ചകൾ നിത്യേന കാണുന്നതാണെങ്കിലും രാമകഥ വാല്മീകിയുടെ ലോകവീക്ഷണം തന്നെ മാറ്റി മറിച്ചിരുന്നതിനാൽ, ആൺപക്ഷിയുടെ ദാരുണമായ അന്ത്യവും പെൺപക്ഷിയുടെ വിലാപവും ചേർന്ന് ആ കാഴ്ച മഹർഷിയുടെ മനസ്സലിയിച്ചു. ഉള്ളിൽ ഉറഞ്ഞുക്കൂടിയ വികാരം
"മാ നിഷാദ പ്രതിഷ്ഠാം ത്വമഗമഃശാശ്വതീ സമാഃ യൽ ക്രൌഞ്ചമിഥുനാദേകമവധീഃ കാമമോഹിതം''
എന്ന ശ്ലോകരൂപത്തിൽ പുറത്തുവന്നു. ഈ ശ്ലോകം ചൊല്ലിത്തീർന്നതും ബ്രഹ്മാവ് അവിടെ പ്രത്യക്ഷനായി. അതേ രൂപത്തിൽ തന്നെശ്രീരാമന്റെ ജീവിതകഥ രചിക്കുവാൻ വാല്മീകിയെ ഉപദേശിച്ചു.
ഇരുപതിനായിരം ശ്ലോകം കൊണ്ട് രാമായണ കഥ കാവ്യരൂപത്തിൽ അദ്ദേഹം എഴുതിത്തീർത്തു. അഞ്ഞൂറ്അദ്ധ്യായങ്ങൾഇതിലുണ്ട്. ബാലകാണ്ഡം, അയോദ്ധ്യാകാണ്ഡം, ആരണ്യകാണ്ഡം, കിഷ്കിന്ധാകാണ്ഡം, സുന്ദരകാണ്ഡം, യുദ്ധകാണ്ഡം, ഉത്തരകാണ്ഡം എന്നിങ്ങനെ ഏഴു കാണ്ഡങ്ങളിലാണ് രാമകഥ രചിച്ചിരിക്കുന്നത്.
ധര്മ്മവും അധര്മ്മവും കറുപ്പും വെളുപ്പും രാമനും രാവണനും തമ്മിലുള്ള യുദ്ധം അനാദികാലം മുതല് മനുഷ്യചരിത്ത്രില് സംഭവിച്ച് കൊണ്ടിരിക്കുന്നു. അന്തിമമായ ജയം ധര്മ്മത്തിനും നന്മയ്ക്കാണെങ്കിലും തിന്മയുടെ ഇത്ധണ്ട ശക്തികള് ബലമാര്ജ്ജിക്കുന്ന സമയവും ഉണ്ടാവാറുണ്ട്.
ഋതുക്കള്ക്ക് ചില പ്രത്യേക സപ്ന്ദനങ്ങള് പ്രകൃതിയിലുണ്ടാക്കാന് കഴിയുന്നുവെന്ന് വിശ്വാസത്തിലാകാം, കര്ക്കിടകമാസത്തില് വീടുകളില് രാമായണകഥ പാരായണം ചെയ്യേണ്ടതിന്റെ ആവശ്യകത പഴമക്കാര് പണ്ടേ കല്പിച്ചത്.
കൂടാതെ കാത്തിരിപ്പിന്റെ മാസം കൂടിയാണ് കര്ക്കിടകം.സമൃദ്ധിയുടെ പൊന്നിന് ചിങ്ങത്തിനായുള്ള കാത്തിരിപ്പ്. കര്ക്കടകത്തില് മിതമായ ആഹാരവും ആയുര്വേദ മരുന്നുകളും കഴിച്ച് ദേഹ ശുദ്ധി വരുത്താറുണ്ട്.ചിലര് ഉഴിച്ചിലും പിഴിച്ചിലും നടത്തി ശരീരം അരോഗദൃഢമക്കി വെക്കുക യും പതിവാണ് ഈ കര്ക്കിടക മാസത്തില് . എന്റെ ..എല്ലാ കൂട്ടുകാര്ക്കും എല്ലാ പരിശുദ്ധിയോടും കൂടി രാമായണ മാസം
ആശംസിക്കുന്നു..ഈ പാവം പ്രവാസി..!!കഴിവുള്ളവര് ഈ മാസം മുഴുവന് രാമായണം പാരായണം ചെയ്യാന് ശ്രമിക്കുക..എല്ലാ നന്മകളും എല്ലാവര്ക്കും..!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ